“အကယ်ဒမီတစ်ပြေးနေတဲ့အချိန်မှာ အဖျက်တစ်ခုမရှိခဲ့ရင်တောင် စိတ်ပူရမယ်။ န၀ရတ်အတွက်က ရိုးနေပြီ”

နှစ်စဉ်ကျင်းပလေ့ရှိသော အကယ်ဒမီဆုပေးပွဲနီးကပ်လာသည်နှင့်အမျှ အကယ်ဒမီဆုအတွက် ကိုယ်တိုင်ရိုက်ကူးထုတ်လုပ်ထားသည့် ရုပ်ရှင်နှစ်ကားပါဝင်သည့် န၀ရတ်  ကိုလည်း ခန့်မှန်းနေကြသည်။ မြန်မာ့ရုပ်ရှင်လောကတွင် ဒရာမာဇာတ်ကားများက အကယ်ဒမီရလေ့ရှိသလိုပင် ၎င်းပါဝင်သည့် ရုပ်ရှင်ဇာတ်ကာများမှာလည်း ဘ၀သရုပ်ဖော် ဒရာမာရုပ်ရှင်ဇာတ်ကားများဖြစ်သောကြောင့် နှစ်ကားလုံးမှ အကယ်ဒမီကိုလိုချင်သည်ဟု န၀ရတ်ကပြောသည်။ အကယ်ဒမီတစ်ကြိုစာရင်းတွင်ပါဝင်သလို ဒီဇင်ဘာလဆန်း၌ အွန်လိုင်းတွင် ထွက်ပေါ်ခဲ့သော မူးယစ်ဆေးဝါးစစ်ဆေးချက်နှစ်ခုအနက်တစ်ခုမှာ ၎င်းကို စစ်ဆေးထားသည့်အတွက် ပရိသတ်များကြားတွင် ပြောကြားနေကြသည့် အနုပညာနှင့် မူးယစ်ဆေးကိစ္စအပါအ၀င် မကြာမီကျင်းပမည့် အကယ်ဒမီပွဲအတွက် ရင်ခုန်သံများကို သွားရောက်တွေ့ဆုံမေးမြန်းဖြစ်ခဲ့သည်။
မေး- ၂၀၁၂ အကယ်ဒမီဆန်ခါတင်စာရင်းမှာ အစ်မရဲ့ ဒရာမာရုပ်ရှင်နှစ်ကားပါတော့ အကယ်ဒမီရင်ခုန်သံကို ပြောပြပေးပါလား။
ဖြေ- နှစ်ကားပါတယ်ဆိုတော့ နှစ်ဆပိုရင်ခုန်ပါတယ်။ ဒီနှစ်မှာ တိုက်တိုက်ဆိုင်ဆိုင် အကျေနပ်ဆုံးနှစ်ကား ပါသွားတဲ့အတွက်လည်း ကျေနပ်ပါတယ်။ တိမ်မင်းသမီးကားမှာ တစ်ကားလုံးက သရုပ်ဆောင်တွေ တက်ညီလက်ညီ သူ့အပိုင်းနဲ့သူလုပ်သွားတာ အရမ်းသဘောကျတယ်။ အားလုံးကိုကျေနပ်တယ်။ ဖြစ်နိုင်ရင် အကုန်လုံးကိုရစေချင်တယ်။
မေး- အစ်မရဲ့ဆန်ခါတင်နှစ်ကားမှာ တိမ်မင်းသမီးက နှစ်ကိုယ်ခွဲသရုပ်ဆောင်တာဆိုတော့ အကယ်ဒမီအတွက်ပိုပြီး အားသာမယ်လို့ထင်လား။ အဲဒီကားမှာပါဝင်ခဲ့တဲ့ ဇာတ်ရုပ်တွေကိုရော ပြန်ကြည့်တဲ့အချိန်မှာ ကျေနပ်မှုရှိလား။
ဖြေ- ကာရိုက်တာအရ ထူးထူးခြားခြားဖြစ်အောင် မတူတဲ့ကာရိုက်တာနှစ်ခုပြထားတဲ့အတွက် တစ်မျိုးထူးဆန်းသလို မွေခံထိုက်သူကားမှာလည်း တစ်ခါမှမလုပ်ဖူးသေးတဲ့ ကာရိုက်တာကိုလုပ်ထားတယ်။ ချိုင်းထောက်နဲ့ကိုယ့်သားကိုရှာဖွေပြီး ပြန်တွေ့တဲ့အချိန်ကျ ဇရပ်ပေါ်မှာနေ၊ ကိုယ့်သားဆွမ်းခံကျွေးတာကိုစားတဲ့ ကာရိုက်တာနဲ့ သရုပ်ဆောင်ထားတယ်။
တစ်ကားလုံးရိုက်ချက်တွေကတော့ တိမ်မင်းသမီးကို မမီပါဘူး။ ဒါပေမဲ့ အစ်မကာရိုက်တာကိုတော့ အဲဒီကားမှာလည်း တိမ်မင်းသမီးလိုပဲ အားရတယ်။ ဇာတ်ကားအနေနဲ့က တိမ်မင်းသမီးကိုကြိုက်တယ်။ ဇာတ်ကားဆု၊ အသံ၊ ဓာတ်ပုံ၊ ဒါရိုက်တာဆုတွေက တိမ်မင်းသမီးက အားသာတယ်။ တိမ်မင်းသမီးမှာ ဇာတ်ရုပ်နှစ်ခုလုပ်ထားတာဆိုတော့ နှစ်ကားလုံးလိုချင်တယ်။ တိမ်မင်းသမီးကတော့ လုံးဝပြည့်စုံတယ်။ ခုချိန်မှာ ပြန်ရိုက်ရင်တောင် ဒီလိုမျိုးရမယ်လို့မထင်ဘူး။ မွေခံထိုက်သူကတော့ ကိုယ့်ကာရိုက်တာကိုပဲ ကျေနပ်တယ်။ ကျန်တာအားမရဘူး။
  
မေး- တိမ်မင်းသမီးဇာတ်လမ်းကို ပရိသတ်တစ်ယောက်က ရိုက်ဖို့အကြံပေးခဲ့တာဆိုတော့ ဒီကားနဲ့အကယ်ဒမီရရင် သူ့ကိုရှာပြီးဂုဏ်ပြုဖို့အစီအစဉ်ရှိလား။ သူနဲ့ပတ်သက်ပြီး ဘာတွေမှတ်မိတာရှိသလဲ။
ဖြေ- မြခွာညိုအိမ်ရာမှာရိုက်တဲ့အချိန်မှာ ကလေးလေးချီပြီး အဲဒီနားမှာ ဈေးရောင်းတာလို့ပြောတယ်။ အဲဒါကိုပဲ မှတ်မိတယ်။ တိမ်မင်းသမီးနဲ့ဆုရရင် သူ့ကို
ကျေးဇူးဆပ်မယ်။ ၃၆ လမ်းက ငွေလမင်းထုတ်လုပ်ရေးကို လာဆက်သွယ်ပါလို့ ဂျာနယ်တွေကတစ်ဆင့် ပြောထားတယ်။ အကယ်ဒမီပေးပွဲမှာ ဆုရခဲ့ရင်လည်း တစ်ခါတည်း ကြေညာလိုက်မယ်လေ။
မေး- ပရိသတ်တွေက ဟာသကားတွေ အားပေးနေတဲ့အချိန်မှာ အမွေခံထိုက်သူဖြစ်ပါစေရုပ်ရှင်က ဒရာမာဇာတ်လည်းဖြစ်တယ်။ အကယ်ဒမီပြီးမှ ရုံတင်မှာဆိုတော့ ပရိသတ်စိတ်ဝင်စားမှုလျော့မှာမစိုးရိမ်ဘူးလား။
ဖြေ- မွေခံထိုက်သူက အကယ်ဒမီပေးပြီးမှပဲ ရုံတင်မယ်။ ဒါပေမဲ့ အကယ်ဒမီပေးပွဲမှာလည်း အရုပ်တွေမြင်ရမှာပဲလေ။ အဲဒီတော့ သူတို့ကြိုက်တယ်ဆိုရင်လည်း အောင်မြင်မှာပေ့ါ။ ဒီဇာတ်ထုပ်က အရင်ကတည်းက အောင်မြင်ခဲ့တဲ့ ဆရာတော်ဦးကောဝိဒရဲ့တရားတော်လည်းဖြစ်တယ်။ ဆရာတော်ရဲ့ပရိသတ်လည်းရှိတယ်။ ရိုက်တဲ့ဆင်းန်တွေကိုလည်း တကယ့်စာသင်တိုက်တွေမှာ သွားရိုက်ထားတာဆိုတော့ ခံစားမှုတစ်မျိုးပေးနိုင်မှာပါ။ တိမ်မင်းသမီးတုန်းကလည်း ဒရာမာရုံတင်ရင် ရှုံးမှာပဲဆိုတဲ့အချိန်မှာ ထပေါက်သွားတယ်။ စီးပွားရေးအရတော့ ပြန်မတွက်ရသေးဘူး။ အနုပညာအရအောင်မြင်ခဲ့တယ်။ အဲဒီလိုပဲ မွေခံထိုက်သူကိုလည်း ရုံတင်မှပဲသိရမှာပဲ။
မေး- အကယ်ဒမီဆိုတာနတ်ကြီးတယ်လို့ အနုပညာရှင်တွေက ယုံကြည်ထားကြတော့ အစ်မအနေနဲ့ အကယ်ဒမီအတွက် တစ်ကြိုမှာပါပြီး မရခဲ့တာမျိုးကြုံဖူးလား။ ခုနှစ်အတွက် ကိုယ့်စိတ်ကို ဘယ်လိုပြင်ဆင်ထားလဲ။
ဖြေ- ရှိတာပေါ့။ သုံးနှစ်လောက်ရှိပြီ၊ လွဲခဲ့တာ။ အဲဒါကြောင့် တစ်နှစ်ထက်တစ်နှစ် ပိုကြိုးစားခဲ့တယ်။ ပရိသတ်ပေးတဲ့ဆုရနေတာတော့ လွန်ခဲ့တဲ့သုံးနှစ်လောက်ကတည်းကလေ။ ပရိသတ်တွေကတော့ ဗီဒီယိုနဲ့ ရုပ်ရှင်ရောနေတဲ့အတွက် ဗီဒီယိုမှာ အရမ်းကောင်းနေရင်လည်း ရုပ်ရှင်ထင်ပြီးပေးကြတယ်။ ဒါပေမဲ့ အဲဒီနှစ်တွေမှာ အားရကျေနပ်တဲ့ကားမရှိခဲ့ဘူး။ ခုနှစ်မှာ ကိုယ်ကိုယ်တိုင်စိတ်တိုင်းကျရိုက်ကူးခဲ့တဲ့ ကားဖြစ်နေတော့ ဒီနှစ်မှာတော့ လိုချင်တယ်။ ပြီးခဲ့တဲ့နှစ်တွေကရရင်လည်း စိတ်ကနည်းနည်းပေါ့တယ်။ အကယ်ဒမီကို တကယ်
ထိုက်ထိုက်တန်တန်နဲ့မပေးလို့ကို မရဘူးဆိုတဲ့ ဇာတ်ရုပ်နဲ့ပဲလိုချင်တယ်။ ဒီနှစ်ရခဲ့ရင်လည်း ရတဲ့ဆုက န၀ရတ်ကိုပေးတယ်လို့ မသတ်မှတ်ဘူး။ ပရိသတ်အတွက်ပဲ။ န၀ရတ်ကို သုံးနှစ်ဆက်တိုက်ပေးခဲ့တဲ့ ပရိသတ်နဲ့အတူတူယူတဲ့ဆုလို့ သတ်မှတ်တယ်။ မရခဲ့ရင်လည်း ထပ်ပြီးကြိုးစားရုံပဲရှိတာပေါ့။
မေး- ဒီဇင်ဘာလဆန်းပိုင်းမှာ အနုပညာရှင်တွေကို မူးယစ်ဆေးနဲ့ပတ်သက်ပြီး ၂၀၀၈ ခုနှစ်က စစ်ဆေးခဲ့တဲ့ မှတ်တမ်းဆိုပြီး အွန်လိုင်းမှာပျံ့နှံ့ခဲ့တယ်။ အဲဒီမှာပါတဲ့ အနုပညာရှင်တွေမှာ န၀ရတ်ရဲ့နာမည်လည်းပါတော့ အဲဒီအကြောင်းအရာနဲ့ပတ်သက်ပြီး ပရိသတ်ကို 7Day News ကတစ်ဆင့် ဘာပြောချင်ပါသလဲ။
ဖြေ- န၀ရတ်အတွက် ဂယက်က စန်းပဲ။ တစ်ခုခုလုပ်ခါနီး၊ တစ်ခုခုခါနီးဆို အဖျက်က ၀င်တတ်တယ်ဆိုတော့ အဖျက်မရှိမှာတောင် ကြောက်နေတယ်။ အခုဆို အကယ်ဒမီတစ်ပြေးနေတဲ့အချိန်မှာ အဖျက်တစ်ခုမရှိခဲ့ရင်တောင် စိတ်ပူရမယ်။ န၀ရတ်အတွက် ဂယက်ကရိုးနေပြီ။ အဲဒီအတွက် ပရိသတ်တွေ စိတ်မပူပါနဲ့။ မာယာဆန်တဲ့ မာယာမျက်နှာဖုံးတုန်းကလည်း ရိုက်ခါနီးတော့ ဖေ့စ်ဘွတ်ခ်ဂယက်ကလာတယ်။ အခုလည်း ဒီလိုမျိုးပဲ စိတ်သတ်မှတ်တယ်။ စိတ်လည်းမဆိုးပါဘူး။ အဲဒီလူကိုအပြစ်လည်းမယူပါဘူး။ တွေ့ရင်တောင်နှုတ်ဆက်မှာပါ။
မေး- အဲဒီအကြောင်းအရာနဲ့ပတ်သက်ပြီး ရုပ်ရှင်အစည်းအရုံးဥက္ကဋ္ဌ လူမင်းက သတင်းထွက်တဲ့ အနုပညာရှင်နှစ်ယောက်က အကယ်ဒမီအတွက် ခန့်မှန်းပေးထားတဲ့သူတွေဆိုတော့ အကယ်ဒမီအတွက် ထိုးနှက်မှုအဖြစ် တိုက်ခိုက်တာဖြစ်နိုင်တယ်လို့ 7Day News အင်တာဗျုးမှာ ဖြေထားတယ်။ အစ်မအနေနဲ့ရော ဘာကြောင့်လို့ထင်လဲ။ အကယ်ဒမီအတွက် ထိခိုက်မှုရှိမယ်လို့ထင်လား။
ဖြေ- ထိုးနှက်ချင်တဲ့ တိုက်ခိုက်မှုလားဆိုတာကတော့ ကာယကံရှင် မိုးဇေညိမ်းကိုသွားမေးမှသိမှာ။ ဘာကြောင့်လုပ်တာလဲ။ သူလုပ်တာကို သူပြန်ရရဲ့လား။ အကျိုးရှိလို့ အကြောင်းဆိုတာဖြစ်လာတယ်။ သူလုပ်တာကိုသူသိမှာပဲ။ သူလုပ်ချင်တာကိုကျေနပ်လား။ အစ်မစိတ်ထဲမှာတော့ ဘာမှအငြိုးမထားတဲ့အတွက် ဘာမှမဖြစ်ဘူး။ သူနာမည်ကြီးချင်လို့လုပ်တာလို့ တချို့ကလည်းပြောကြတယ်။ အကယ်ဒမီအတွက် စိုးရိမ်စိတ်မရှိပါဘူး။ ဒါမျိုးတွေက ရိုးနေပါပြီ။ ပရိသတ်မေတ္တာရထားတဲ့ တိမ်မင်းသမီးဒဏ္ဍာရီကားက သူရေးလိုက်တဲ့ အာဘော်တစ်ချက်နဲ့ ဘယ်လိုမှမပြိုကွဲနိုင်ဘူးလေ။ ပရိသတ်တွေရဲ့ မေတ္တာကအကြီးကြီးလေ။ ဒီလူတစ်ယောက်ရဲ့ မကောင်းတဲ့စုတ်ချက်တစ်ချက်ကြောင့် အကယ်ဒမီပျက်သွားရမယ်ဆိုတာ အဓိပ္ပာယ်မှမရှိတာ။ ဒါပေမဲ့ အကယ်ဒမီနားနီးလေ၊ ပိုပြီးလှုပ်လေဖြစ်တဲ့အတွက် ပိုပြီးစိတ်ဝင်စားခြင်းခံရတဲ့အတွက် သူ့ကိုကျေးဇူးတင်ပါတယ်။
မေး- ဒီအကြောင်းအရာတွေနဲ့ပတ်သက်ပြီး အနုပညာရှင်တွေကို မူးယစ်ဆေးနဲ့ပတ်သက်မှုရှိတယ်လို့မြင်တဲ့ ပရိသတ်တွေလည်းရှိတော့ အစ်မအနေနဲ့ ဘယ်လိုရှင်းပြချင်လဲ။
ဖြေ- ဒီဟာတွေကောင်းတယ်၊ မကောင်းဘူးဆိုတာ လူတွေအကုန်သိတယ်။ အစ်မတို့ကောင်းတာလည်းလုပ်ခဲ့တယ်။ ဘယ်သူက ဘာလုပ်ခဲ့တယ်ဆိုတာ ကိုယ်ကိုယ်တိုင်လည်း သိရမယ်။ သူများကိုလည်းပေးသိရမယ်။ အစ်မတို့လုပ်တယ် မလုပ်ဘူးဆိုတာ အစ်မတို့ရုပ်ကိုမြင်ရင် သိသာပါတယ်။ အစ်မတို့ အဲဒီလိုအလုပ်တွေလုပ်နေရင် ဒီလိုရုပ်တွေ ဘယ်ထွက်လာမလဲ။ ကိုယ့်ကိုကြည့်ရင့် ကိုယ့်ပရိသတ်သိမှာပဲလေ။ အဖျက်ရှိမှ အတက်ရှိတာဆိုတော့ န၀ရတ်ခေါင်းထဲမှာ ဘာမှမရှိပါဘူး။
မေး- အခုနောက်ပိုင်းမှာ အစ်မရဲ့ကိုယ်ပိုင်ထုတ်လုပ်ရေးအနေနဲ့ပဲ ရုပ်ရှင်ဗီဒီယိုတွေရိုက်ဖြစ်တာဘာကြောင့်လဲ။
ဖြေ- အခုအချိန်မှာ ဗီဒီယိုလောကက ပျက်နေတော့ ပိုက်ဆံနဲ့တွက်ပြီးရိုက်ကြတယ်။ အဲဒီတော့ ကွာလတီဆိုတာက ပျောက်နေတယ်။
အစ်မဇာတ်ကားရိုက်တိုင်း ပရိုဂျူဆာတွေ၊ မင်းသားတွေနဲ့ ပြဿနာတက်တယ်။ အစ်မက ကားတစ်ခုကို ကာရိုက်တာအရ ဆံပင်ကအစ ခြေထောက်အဆုံး အပြည့်အ၀ လုပ်စေချင်တယ်။ မြန်မာ့ရုပ်ရှင်ကမ္ဘာကို ထိုးဖောက်ရေးဆိုတဲ့ လမ်းစဉ်နဲ့ပေါ့။ အခုက မြန်မာကားကို မြန်မာတွေမကြည့်ချင်တော့ဘူး။ ကိုရီးယားကားတွေနဲ့ ချန်နယ်တွေပဲကြည့်နေကြတယ်။ မြန်မာကားတွေ အလကားပါကွာဆိုပြီး မကြည့်တဲ့အထဲမှာ အစ်မကားမပါချင်ဘူး။ ဒါကြောင့် ၂ နှစ်ရှိပြီ နားတယ်။ အချိန်ကုန်မခံချင်လို့ မရိုက်ခဲ့တာ သိပ်မှန်သွားတယ်။ အစ်မရုပ်ရှင်ကား တိမ်မင်းသမီးကို ပရိသတ်တွေက နှစ်ခါသုံးခါပြန်ကြည့်ကြတယ်ဆိုတော့ ၂ နှစ်လုံးမှာ သူများနဲ့ကားမရိုက်ဘူး၊ သူများခိုင်းတာမလုပ်ခဲ့ရကျိုးနပ်တယ်။ ငွေကြေးက အစ်မအနေနဲ့မမက်ဘူး။
ပိုက်ဆံလည်း အများကြီးစုစရာမလိုဘူး။ အေးအေးဆေးဆေးလေးပဲ ဘ၀ကိုဖြတ်သန်းချင်တာဆိုတော့ ပရိသတ်အတွက် သိက္ခာရှိရှိလေးပဲလုပ်သွားမယ်။ အစ်မရဲ့ထုတ်လုပ်ရေး ငွေလမင်းကနေ ဗီဒီယိုခြောက်ကားလောက်ရိုက်ထားတာရှိတယ်။ အဲဒါတွေလည်းထွက်မယ်။ သူများကား ဆယ်ကားကြည့်တာနဲ့ န၀ရတ်ကားတစ်ကားကြည့်ရတာ တန်အောင်ရိုက်ထားတယ်။
မေး- မလေးရှားမှာရိုက်ခဲ့တဲ့ မဟာဆန်တဲ့မာယာမျက်နှာဖုံးဇာတ်ကားက မင်းသားအပြောင်းအလဲလည်း ကြုံခဲ့တယ်။ ပြည်ပမှာလည်း သွားရိုက်ရတာဆိုတော့ ဘယ်လိုအခက်အခဲကြုံခဲ့ရသလဲ။
ဖြေ- အစ်မတစ်ခုခုလုပ်မယ်ဆိုရင် ဂယက်ကအမြဲတမ်းတွဲနေတယ်။ အဖျက်ရှိမှပဲ တက်တယ်။ မင်းသားပြောင်းတာနဲ့ ဂယက်တွေရိုက်ခဲ့ပေမယ့် အောင်အောင်မြင်မြင် ရိုက်ကူးနိုင်ခဲ့တယ်။ မလေးရှားမှာလည်း ဘာအခက်အခဲမှမရှိဘဲ ရိုက်ကူးရေးတောင် တစ်ပတ်စောပြီးတယ်။ မလေးရှားက ဒါရိုက်တာကလည်း အားလုံးကိုချီးကျုးတယ်။ အဲဒီကားက အခုအချောသတ်နေပြီ။ အားလုံးကောင်းတယ်။ နိုင်ငံခြားဒါရိုက်တာရဲ့အတွေးဆိုတော့ နည်းနည်းပြန်ညှိပြီး လိုချင်တဲ့အကွက်လေးတွေ ပြန်လုပ်နေတာ။ နောက်လထဲမှာသွားမယ်။ အားလုံးချောပြီးပြီဆိုတာနဲ့ ဆင်ဆာဆင်မယ်။
မေး- ၂၀၁၄ နှစ်ဆန်းပိုင်းမှာ အနုပညာရှင်များအများစုရဲ့ မင်္ဂလာသတင်းတွေလည်း ကြားနေရတယ်။ အွန်လိုင်းပျံ့ခဲ့တဲ့ သတင်းမှာလည်း အစ်မရဲ့အချစ်ရေးအကြောင်းတွေပါတော့ ပရိသတ်တွေကို အစ်မရဲ့မင်္ဂလာသတင်းအကြောင်း ပြောပြပါဦး။
ဖြေ- အရင်အတိုင်း အေးအေးဆေးဆေးပါပဲ။ ပရိသတ်တွေအတွက် အလုပ်တွေလုပ်နေမှာပါ။ အိမ်ထောင်တစ်ခုဆိုတာ ထောင်ကျတာနဲ့အတူတူပဲ။ ကိုယ်က အနုပညာအလုပ်လုပ်တာဆိုတော့ ပိုဆိုးတယ်။ စိတ်ရှင်းလူရှင်းနဲ့ နောက်ဆံတင်းတင်းနဲ့လုပ်ရင် အဆင်မပြေဘူး။ စိတ်ရော၊ လူရော လွတ်လွတ်လပ်လပ်နဲ့ ဒီဘ၀မှာ ယောက်ျားမယူတော့ဘူး။ အေးအေးဆေးဆေးလေးနေပြီး ကိုယ်လုပ်ချင်တာကိုလုပ်မယ်။ ကိုယ်ရိုက်ချင်တာရိုက်မယ်။ ငြိမ်းငြိမ်းချမ်းချမ်းနဲ့ပဲ ဘ၀ကိုဖြတ်သန်းသွားမယ်လို့ စဉ်းစားထားတယ်။
ကျေးဇူးတင်ပါတယ်။